Corpo Pagina

Fauna

Sparèssius giai de tempus meda is mammìferus mannus comenti is cerbus e is cabriolus, o is pillonis achiladoris comenti is achilis, o “mundadoris” comenti is intùrgius, de is animalis de su logu oindii abarrant ancora su margiani, su conillu, su lèpiri, su buchemeli, s’arritzoni, e intra de is colorus su mailloni, su caloru de sicu e pillonaxu, sa pibara de àcua, is satzaugas, is calixertas, is pistillonis;

Intra de is anfìbius s’agatat s’arranixedda birdi e s’arrana pabeddosa.

Is pillonis funt abarraus ancora in medas: su stori, storitu, stori pedrixàiu, stori colòmbiu, sa tzuaddina, sa piga, su bica mata, su currucau, su crobu impari a sa carroga, e su carroghinu, sa perdixi, sa gicuiri, su sturru nieddu, sa meurra bicu cera e medas àterus pilloneddus pitius.

clip_image001Is diferentis arratzas de animalis, arresis e tzerpius bivint a segunda de is abisòngius, manixendisi me is logus prus adatus. In is padentis, cun unu pogheddu de sorti bona,  podit incapitai de biri ancora su birboni, su schirri mata, su bucameli arrùbiu maiori, chi bivit e fàiri su niu me is linnarbus.  In is logus de àcua meda, in is masis de frius meda, s’agatat su caboniscu de murdegu e su becacinu. In su tempus de sa basca, si amirant sèmpiri de prus is bòlidus de currucaus, de sa pubusa e de is conca de mallu, chi ammostant totu is coloris gallosus e ingespiaus insoru, su tzurrullinu e fintzas sa pudda media.

Su mudai de su sartu, is asciutuaduras de is padentis e su disboscamentu de is narbonis, sa cassa fata a fura e fata sena de ciorbeddu, cun prepotèntzia e maiori, ant ispèrdiu is ultimus cerbus e carbiolus chi s’agatant ancora fintzas a sa metadi de su sèculu passau, lassendi in orfanidadi su Monti Arci e su territòriu de Mòguru

In su frùmini de òguru, chi est su cursu de àcua prus de importu de su territòriu, arregordaus is piscis comenti a sa grapa, a sa trinca, bitida de àterus logus de s’òmini, , e a s’anguidda e a sa fillatrota sèmpiri presenti me is logus nostus.