Corpo Pagina

Saboris Antigus

Saboris Antigus

Sa manifestatzioni de Saboris Antigus si fait in s’atmosfera màgica de su centru istòricu, organitzau de sa Pro Loco e de atras associatzionis de Mòguru, arribada a s’editzioni de cincu, si fait torrai acou in su tempus, a scoberri is artis e is saboris prus berus.
Una manifestazioni chi si fait totu in sa pitica pratza de Su Sticau in Fundanedda, innoi cobertus de is portalis bècius, si point tastai is pratus e is cosa de papai pòberas de unu tempus, cun is arretzetas chi si funt tramandadas de generatzioni in generatzioni. Saboris e profumus chi torrant po unu meigama a essi is protagonistas in dd’unu clima de festa e allirghia.
Una grandu triunfu de su mandiari pòberu de unu tempus: pasta,cixiri, fasolu e gràndua, frègua cun sartitzu, casus de logu e binus de sa cantina Il Nuraghe, e puru is drucis e tzìpulas. Pratus chi s’ant a podi tastai passillendi intra is portalis e is mesa de is turronis indd’unu bisu de essi torraus acou de 50 o prus annus, cun is sonus de is organetus e is launeddas e cun is mascaras prus bècias e traditzionalis de sa terra nosta.