Corpo Pagina

Servizi bibliotecari

biblioteca

Servìtzius Bibliotecarius

S’intràda a sa Biblioteca est libera e a gratis, su servìtziu de informatzioni de sa biblioteca pigat is trassas de su princìpiu de uguallidadi de is diritus de is ligidoris. No si faint scioberamentus o apratzebas a nemus a segundu de s’edadi, mascus o fèminas, arratza, lìngua, religioni, ideas polìticas. Is servìtzius donaus funt custus:

“Reference”

Su “Reference” est unu servìtziu donau po acuntentai is abisongius de is informatzionis e iscedas po sa genti, po donai s’orientamentu e ghia asuba is servìtzius e serbitudis e s’assistentzia e su cuntzurtu de is catàlogus o elencus chi tenit sa Biblioteca, donat e imbiat sa genti a utilitzai e indiritzai a s’elencu a segundu de is gustus e is abisongius bibliograficus, donat agiudu po su pricuramentu e arreguamentu de is novas bibliograficas, e atras iscedas chi potzat serbì a su stùdiu, sa curiosidadi o spricuamentu de is ligidoris.

Catalogu “on-line” e is servìtzius chi serbint

Sa biblioteca Comunali de Mòguru fait parti de su Sistema Regionali SBN de sa Sardigna, aministrau de su Servìtziu Benis Librarius e documentarius e scedas de sa Regioni Autònoma de sa Sardigna (SBN = Servìtziu Bibliotecariu Natzionali, e s’arretza de is Bibliotecas Italianas promòvia de su Ministeru po is benis culturalis cun s’agiudu e acòrdiu intra is Regionis e is Universidadis, innoi su scopu est su spraximentu de is servìtzius a sa genti (gestioni de unu catalogu parta in pari in linia, acòrdiu asuba de is benis de s’intràda a is documentus ). Su servìtziu on-line de sa rete bibliotecaria de sa Sardigna permitidì de cuntzertai is elencus de totu is Bibliotecas de apartenèntzia a su sistema Regionali. Sa circa de su materiali chi si agatat in sa biblioteca de Mòguru, benint fatas po mesu de sa Regioni, a custu indiritzu http://opac.regione.sardegna.it. A su momentu est presenti in s’arretza prus o mancu su 38% de s’asienda de is documentus in possidèntzia de sa biblioteca Comunali de Mòguru e su 62% chi abarrat si bidi feti in sa banca de is datus localis. In s’abetu de podi disponi de s’elencu de linia interu ,po podi teni connoscèntzia beridadosa de su patrimòniu documentariu in possessu de sa biblioteca bisòngiat a fai circas e preguntas in su catalogu informatitzau de su logu o is su catalogu on-line. In sa “home page” de su situ, unu link ndi torrat is servìtzius a su ligidori e chi est iscritu a una de is bibliotecas in s’arretza, podit esaminai sa situatzioni sua po is prèstidus in cursu, contzillai in sa compora de is documentus , cambiai sa pròpia “password”,cuntzutai sa biblografia pròpia, ecc.

Prèstidus a domu

Totu is personas, mancai siant residentis in atrus Comunus podint tenni in prèstidu a domu pròpia su materiali documentariu de propriedadi de sa Biblioteca, bastit chi siant in regula cun s’iscritzioni. S’iscritzioni benit donada apustis s’amostu e su controllu de su documentu de identidadi personali. Po is minoris de 15 annus est de obligu sa firma de parti de unu de is familiaris o de chini ndi tenit sa responsabilidadi. Su prèstidu est personali, a parti certas bortas motivadas e autoritzadas de su bibliotecariu de turnu, e sa persona est responsabili de su bonu tratamentu e arreguamentu de su materiali pigau in prèstidu. No faint parti de su prèstidu is operas de cuntzurtu generali comenti a: (ditzionàrius, enciclopedias, giornalis, urtimu numeru de is periòdicus, ecc..), su materiali a norma de lei asuba su diritu de autori po is operas chi, a giudìtziu de s’operadori, depint abarrai in sa Biblioteca.

Est permitidu puru su prèstidu de vàrias operas po ònnia persona comenti a:

– 3 documentus librarius

– 3 giornalis periòdicus ( a parti su numeru currenti)

Su prèstidu depit durai a pasoni su prus 30 dis po su materiali librariu e 10 dis po is periòdicus. Prima de sa scadentzia est possibili s’arronnuamentu de sa pasoni, si no nci funt preguntas de atras personas. Su materiali audiovisivu e multimediali est a su momentu lassau a parti de su prèstidu.

Prenotamentu de su prèstidu

Est amitida sa prenotatzioni de is operas in prèstidu, chi podit essi fata fintzas telefonendi, e apustis fintzas in manera telematica. Su personali de sa Biblioteca at a torrai sceda a sa persona de sa presèntzia de s’opera. Passadas 3 dis de tali annùntziu, at a acabai s’apautu de sa prenotatzioni.

Contzillus po sa compora

Est possibili de donai contzillus po sa compora de is librus, cd-rom,dvd, ecc..cun is modularius donaus de sa Biblioteca o puru usendi su modulu on-line in su logu de Servitzius ai ligidoris de s’OPAC, ponendi su propiu codici ligidori. Is contzillus, si tenint torrada cun s’arregorta de is documentus in possidentzia e cun su dinai a dispositzioni, ant a arricai s’asienda de sa Biblioteca.

Cuntzurtus in su logu

Su cuntzurtu in su logu de is catàlogus e de s’asienda de is documentus in sa Biblioteca est libera e a gratis e previdit protzeduras formalis feti po is documentus chi tèngiant abisongiu de essi stugiaus po su valori, dilicadesa e importu chi tenint. Is ligidoris tenint libera intrada a is setzionis de is iscafalis abertus.

Fotocopias

Su servìtziu de fotocopiatura, amitidu feti po is documentus in possessu de sa Biblioteca est a gratis e benit sbrigau de su Bibliotecariu de turnu (A su prus duas paginas po ònnia persona e cun su rispetu de is leis asuba de su diritu de is autoris

Ligidura de is giornalis

In su logu “emeroteca” (ligidura de is giornalis) podint essi cuntzertaus totu custus giornalis:

– La nuova Sardegna

– L’unione Sarda

De cida (Settimanali):

– L’Espresso

– Topolino

De mesi (Mensili):

– Airone

– Art e dossier

– Archeologia viva

– Ciack

– Cucinare bene

– Focus

– Focus Junior

– Gardenia

– Macchina del tempo

– Medicina naturale

– National Geographic Italia

– Psicologia contemporanea

– Biblioteche oggi

– E vàrias atras rivistas…

Ant’essi su prus a lestru postus in essiri custus servìtzius nous:

Prèstidu interbibliotecariu

Cun s’aprontadura de su servìtziu prèstidu, cun su Sistema Regionali SBN de sa Sardigna, s’Enti pigat impignu de assigurai ,a su prus a lestru, unu servìtziu cossàriu de prèstidu cun is Bibliotecas chi faint parti de su Sistema Regionali SBN de sa Sardigna

Servìtziu multimediali

Cun s’inghitzu e sa partentza de su Centru”C.A.P.S.D.A. de 2° livellu (Centrus de Intrada Publica de sa genti Ai Servìtzius Digitalis Avantzaus), finantziau de sa Regioni Autonoma de sa Sardigna, is personas ant a podi usai n. 2 logus de postamentu multimedialis.