Corpo Pagina

Servizio Civile Nazionale

Su Servìtziu Civili Natzionali, istituiu cun sa lei 6 Martzu 2001 nà 64, – chi de su 1 Gennàrgiu 2005 si fait sceti comenti voluntariosu — est una manera de difendi sa pàtria, chi narat ca su “doveri” est nau in s’articulu 52 de sa Costitutzioni; una difesa chi no depit essi po su territòriu de su stadu e sa difesa de is confinis, ma a sa condivisioni de is valoris comunus e de fundamentu de s’ordinamentu democràticu.

Est una oportunidadi posta po is giòvunus intra de is 18 e 28 annus po dedicai unu annu de sa vida insoru in s’impenniu de solidariedadi comenti impenniu po su beni de totus e de onniunu e insaras comenti valori de coesioni sociali. Su servìtziu civili volontàriu donat a is giòvunus una grandu valentzia educativa e de formatzioni, una ocasioni de importu e medas bortas ùnica de crescita personali, una ocasioni de educatzioni a sa citadinantzia ativa, contribuendi a su svilupu sociali, culturali e econòmicu de sa stadu nostu. Chi scioberat de s’impennia po 12 mesis in su Servìtziu Civili Volontàriu, scioberat de aciungi una esperièntzia chi abarrat in su connotu de onniunu, chi at a podi essi usada in sa vida de su traballu, cando no diventat po fintzas una oportunidadi de traballu e totu, e in su mentris assicurat, mancai siat pagu, un’autonomia econòmica.

Su Dipartimentu de sa Gioventudi e de su Servìtziu Natzionali at Pubricau su 16 de martzu is Bandus 2015 po sa seletzioni de n. 440 volontàrius de impenniai in progetus de Servìtziu Civili Natzionali me in sa regioni Sardinnia.

Su Comunu de Mòguru at a seletzionai n. 8 volontàrius de poni me is progetus aprovaus e finantziaus de sa Regioni Sardinnia:

  1. progetu “Un Volontario per amico” – setori Assistèntzia — n. 4 volontàrius;
  2. progetu “In Biblioteca: una comunità che legge” — setori Patrimòniu artisticu e culturali — n. 4 volontàrius.

Point participai a sa seletzioni is giòvunus, sena distintzioni intra de mascus e fèminas chi, a sa data de sa presentatzioni de sa pregunta, apant fatu 18 annus e no apant passau is 28, chi tèngiant is recuisitus chi sighint:

  1. citadinus de s’Unioni Europea;
  2. familiaris de is citadinus de s’Unioni Europea chi no tenint sa citadinantzia de unu de is stadus membrus chi tèngiant su deretu de sogiornu o su deretu de sogiornu permanenti;
  3. titularis de su permissu de sogiornu CE po longu tempus;
  4. titularis de permissu de sogiornu po asilu;
  5. titularis de permissu po protetzioni sussidiària;
  6. no ai tentu cundanna mancai no siat definitiva a sa pena de reclusioni de prus de un’annu po delitu de crupa, oghinou a una pena de reclusioni mancai de prus pagu tempus po unu delitu contras de sa persona o po detentzioni, usu, porto, trasportu, importatzioni e esportatzioni illecita de armas o materiali esplosivu, oghinou de is delitus de apartenèntzia o favoregiamentu a grupus eversivus, terroristicus o de criminalidadi organisada;
  7. tenni unu diploma de Iscola Media Superiori.

No podint fai pregunta is giòvunus chi:

a) giai faint o ant fatu su servìtziu civili in callidadi de volontàrius ai sensus de sa lai n. 64 de su 2001, bolit nai ca ant spaciai su servìtziu prima de sa fini;

b) tèngiant abertu cun s’enti chi fait su progetu unu raportu de traballu o de collaboratzioni pagada a calisisiat titulu, bolit nai chi ant tentu unu traballu in s’annu prima de prus de tres mesis;

c) apant fatu pregunta po progetus postus in su Bandu speciali de servìtziu civili natzionali Expo 2015. Sa dispositzioni no si fait po is preguntas presentadas in s’ambitu de is Bandus de servìtziu civili natzionali, comenti misura po fai su programa europeu Garantzia Giòvunus.

Is preguntas de amissioni ant a dep’essi indiritzadas a su Comunu de Mòguru e ant a podi essi inviadas puru cun su PEC (sceti de una mail certificada intestada a su candidau) a sa mail protocollo@pec.comune.mogoro.or.it oghinou cundennadas a manu (in bussa serrada) o inviadas cun racumandada a: Comunu de Mòguru — bia Leopardi n. 8 — 09095 Mòguru.

Is preguntas, fatas comenti su modellu de s’allegau 2 de su bandu, ant a depi arribai intra e no apustis de is 2 de merì de su 23 de abrili 2015.

Sa mancada firma e/o sa presentada de sa pregunta aforas de is terminis est causa de esclusioni de sa seletzioni, diaici comenti su mancau inviu de sa fotocopia de su documentu de identidadi. Po custu s’arrecumandat de ligi cun atentzioni su Bandu de seletzioni allegau.

Si poit fai sceti una pregunta de partecipatzioni po unu progetu de servìtziu civili natzionali, de scioberai intra de cussus postus in su bandu e intra de cussus postus me is bandus regionalis pubricaus. Sa presentatzioni de prus preguntas bolit nai s’esclusioni de sa partecipatzioni de totu is progetus, indipendentementi de chi no participat a is seletzionis.

Sa seletzioni de is candidaus at a essi fata, a is sensus de s’art. 8 de su decretu legislativu n. 77 de su 2002, de s’enti chi fait su progetu scioberau. S’enti a chi si fait sa pregunta at a verificai po donniunu candidau is recuisitus previdius de s’art. 3 de su bandu e at a eliminai is chi faint pregunta chi no tèngiant mancai sceti unu de is recuisitus. S’enti valutat is tìtulus presentaus e cumpilat po dònnia candidau, apustis de sa chistionada, sa ischeda de valutatzioni, segundu su modellu “allegau 4” donendi su puntegiu.

Su tempus de su servìtziu est de 12 mesis. A is volontàrius in servìtziu civili tocat unu assenniu a su mesi de 433,80 eurus.

De sighida allegaus:

  1. su bandu po sa seletzioni de 440 volontàrius de impiegai in progetus de Servìtziu Civili Natzionali;
  2. Allegau 1) — Elencu de is Entis chi ant tentu s’aprovatzioni de sa Regioni Sardinnia;
  3. Allegau 2) — Pregunta de amissioni a su Servìtziu Civili Natzionali;
  4. Allegau 3) — Dichiaratzioni de is tìtulus;
  5. progetu “Un Volontario per amico” — setori Assistèntzia;
  6. progetu “In Biblioteca: una comunità che legge” — setori Patrimòniu artìsticu e culturali.

Po ateras informatzioni, preguntai a sa Responsabili de s’Ufitziu Servìtzius Socialis de su Comunu de Mòguru, Mura Sabina (0783 993022).

Ufìtziu Servìtziu Civili Natzionali

Servìtziu civili Regioni Sardinnia