Corpo Pagina

Il Comune porta lo Sport nelle scuole

In custas diis est inghitzendu sa segunda parti de su progetu “Sport a Scuola”. Su progetu est fatu de sa collaboratzioni intre de is sociedadis isportivas e is iscolas (iscola Melis-Ariu, iscola de s’infantzia, iscola primaria). Totu est partiu candu in su mesi de austu 2014 sa consulta Comunali po su Sport at aprontau su progetu cun sa proposta, is puntus de fai e sa manera po insenniai is disciplinas isportivas me is oras de letzioni. Sa proposta est stetia fata a is iscolas in su mesi de cabudanni e apustis de pagu diiss’aministratzioni at tentu sa comunicatzioni de s’aprovatzioni de su progetu.

A su progetu ant participau cincu associatzionis isportivas de Mòguru: Pallavolo Mogoro, Mo.Da. MogoroDance, Basket Mogoro, Fit Style e Pionieri Marmilla.

Custa cincu associatzionis ant postu a dispositzioni is allenadoris insoru po insenniai a is pipius sa disciplina cosa insoru. Is sociedadis si funt amostadas sensìbilis a su progetu e ant donau cun gana sadisponibilidadi. Po issus est seguramenti un’investimentu de importu poita point fai biri a is pipieddus ita sipoit fai apustis de essi bessius de iscola in su meigama me is palestras e me is logus isportivus comunalis.

Sa bidei de custu progetu nascit po ndi bogai sa mancàntzia de su maistu de educatzioni motoria me in is iscolas. Me is annus passaus su CONI finantziàt unu progetu chi bidiat unu maistu laurea a inghitzai de su mesi de gennàrgiu. S’annu passau Mòguru no at biu nisciunu finantziamentu. Oc’annu est arribau torra su finantziamentu chi no fait prus de 1 ora de sport a classi a su mesi. Tropu pagu chi si pentzat ca in atrusistadus europeus comenti sa Germania, s’educatzioni motoria me in s’iscola primaria est assumancu su 12% de s’orariu. Atrus istadus tenint percentualis prus artas puru chi arribant a su 15-16%. Me in italiainvècias s’educatzioni motoria est cunsiderada una matèria de fai ma no si scidi cantu oras at a tocai a fai a sa scida.

Po custus motivus est nàsciu su progetu “Sport a Scuola”. S’initziativa est stetia proposta comenti esperimentu po sa prima borta oc’annu e is costus de s’interventu funt a carrigu de is associatzionisisportivas. Su puntu est cussu de portai s’initziativa a is annus chi ant a benni puru circhendi de interessai totus is associatzionis isportivas de bidda chi traballant cun is giòvunus e prus che totu po circai de assigurai prus oras po dònnia classi.

Po s’annu chi benit s’aministratzioni at decìdiu de ponni in bilànciu is risorsas chi serbint po pagai is costus de s’operatzioni.

S’importantzia de su sport e sa promotzioni de is valoris est connota de totus e comenti naràt Pierre deCoubertin, inventori de is olimpiadis modernas, “po donniunu, su sport est unu momentu po si fai prus bellus interiormenti!”.