Corpo Pagina

"SARDEGNA – Appunti di Viaggio" Il nuovo libro di Ivo Piras

Sàbudu, su 20 de su mesi de idas, a is 6 de merì in sa Sala Cunvennius de su Centru Fiera del Tappeto in Pratza Martiri della Libertà, s’at a fai sa presentada de su libru de Ivo Piras “SARDEGNA- Appunti di Viaggio”.
Est una bellissima publicatzioni, unu bellu arrègalu po Paschixedda, chi su fotògrafu Moguresu at dedicau a sa Sardinnia.
Funt 180 paginas, innui sa Sardinnia benit presentada no sceti cun bellissimas fotografias, ma puru cun testus, de Ivo Piras e totu, chi contant is paesagius de su mari e de sa terra, de is sciveddas de is lagus, sa frora e sa fàuna, e puru s’istoria antiga de sa terra nosta.
Su libru est pratziu in 12 capitulus e a sa fini est arricau de unu glossàriu pretziosu chi spòddiat su sinnificau de is fueddus chi no cumprendeus sempri e de una carta de acabidu ambièntali de sa Sardinnia cun is indicatzionis de is componentis de su paesagiu regionali.
“Est sa Sardinnia, sinniada de su tempus e de s’òmini, nodida, fràgili e chi si podit ferri, de si ndi pigai incuru sena abetai de cumprendi cantu ballit e cantu siat de importu, sceti candu si perdit.”
Funt fueddus pigaus de “SARDEGNA –Appunti di Viaggio” e funt figurativas de unu libru chi eus a bolli totus, ma puru chi, in forma originali, si contat sa mannesa de sa terra innoi seus nascius e chi no eus ingortu in eredidadi de is babus nostus, ma eus pigau a prèstidu de is fillus nostus. Est unu libru de pigai e arregalai.

Sa pubricatzioni noba de su fotògrafu Ivo Melis at a essi presentada sàbudu, su 20 de su mesi de idas, a inghitzai de is 6 de merì in sa Sala Cunvennius de su Centru Fiera del Tappeto.
Unu libru de luxentis fotografias e testus bellissimu dedicau a sa Sardinnia chi ant a fai connosci e stimai ancora de prus s’Isula nosta.