Corpo Pagina

Mogoro entra a far parte dell’associazione dei Comuni Virtuosi

S’associatzioni de is Comunus Virtuosus nascit a Maju de su 2005 po volontadi de is comunus de Monsano,Colorno, Vezzano Ligure, Melpignano. Custus comunus ant tentu sa capacidadi de criai un’arretza deaministratzionis sensibilis a ativas in su pianu de sa sostenibilidadi ambièntali e econòmica, fendi una bella promotzioni de unu progetu culturali tzerriau “sa polìtica de su santidu” criendi sinergias po su scàmbiu de esperièntzias e pratigas bonas po unu cambiamentu culturali, indiritzau a is citadinus ma prus che totu a isaministratzionis, in manera de promovi is pratigas sustenibilis, in sa vida e in s’aministratzioni de ònnia dì de sa cosa publica.
S’associatzioni contat prus o mancu 80 comunus in totu s’italia; in Sardinnia funt 3: Siddi, Villaverde,Sardara. Su comunu de Mòguru est su de cuatru a tenni custu riconoscimentu. Po fai parti de is Comunus Virtuosus, su Comunu at dèpidu certificai calli cosas fiant in sintonia cun sa filosofia de s’associatzioni. Su percursu chi s’at permìtiu de essi acetaus aintru de s’associatzioni est cumentzau finta de candu est cumentzat custa aministratzioni. S’installatzioni de un’impiantu fotovoltaicu in callincunu de is logus comunalis, su nd’ai bogau sa plàstica de is mensas iscolàsticas ponendi strèxius chi si point sciacuai, s’adotzioni de colunnas po sa distrutzioni de acua de arretza sanificada, is logus po sa racolta de su tessili, chi intra de pagu diis ant a essi sighidas de cussas po sa raccolta de is ollus vegetalis usaus, sa costrutzioni de sa domu de s’acua chi at a essi inaugurada intra pagu tempus, funt sceti callincunas de is atzionis chi ant fatu intrai su Comunu me in s’associatzioni.
Ma s’atzioni chi prus fait biri sa politica de su comunu est sa sensibilitzatzioni e s’educatzioni ambièntalirivolgia a is nostus pipieddus. Difatis, calli chi siat atzioni materiali, chi no est posta impari a unu bonu programa educativu, arrischiat de no serbì a nudda poita, chi oleus diaveras poni is basis po unu cambiamentu chi siat berus, no podeus no sciri chi su tempus chi at a benni poit essi furriau sceti chi agiudaus is piticus a cresci responsabilis, crìticus e prontus po sa sociedadi de crasi. Un’atru bellu passu chi seus sighendi a fai est sa stesura de PAES, chi in cuscus mesis est crescendi e chi est impenniendi is ufìtzius tecnicus de s’Unioni de is Comunus. Su PAES est unu petzu mannu po sa mudatzioni de sa machina comunuali in dd’una istrutura chi siat pronta e chi siat sostenibili de su puntu de vista ambièntali e econòmicu. Is atrus consumus energeticus, bogaus de sa scarsa eficientzia energetica, de logus bècius e de sa dispersioni de is logus, funt una de is prus mannas curpas de s’emissioni in s’atmosfera de meda cantidadis de Co2.
Su PAES s’at a agiudai a circai una strategia po fai spaciai custas emissioni, fadendisì fai unu passu mannu a innantis po arribai a is acòrdius de Kioto. Su nostu augùriu est chi in su tempus chi at a benni, sasostenibilidadi siat unu puntu firmu de totu is aministratzionis e de is citadinus, e chi s’arrespetu de s’ambienti siat una manera de bivi diaici normali chi no fetzat prus novas. Baden Powell (su chi at fundau is su “Scout”) naràt ca depeus lassai su mundu mellus de comenti d’eus agatau; Carlo Petrini (su chi at fundau SLOW) narada ca tocat a imparai a guvernai su limiti, olit nai de no arribai a su puntu de no podi prus torrai acoa. E ant a essi is fillus nostus chi s’ant a nai e s’ant a preguntai ita eus fatu nosu po noarribai a no podi prus torrai acoa, e prus che totu ant a essi issus a biri chi su mundu chi dd’eus a lassai at a essi mellus o peus.