Corpo Pagina

Mogoro: come eravamo

Corso di fotografia 2012 -97

Domìnigu 27 de argiolas, a ora de is 22,00, sèmpiri in Pratza Giovanni XXIII a Mòguru, nch’at a essi sa presentada de  s’Archìviu Fotogràficu Digitali “ Mòguru: Comenti fiamus”. Un’acabussada in is tempus coladus cun is proietzionis de is fotografias arregortas de Valentina Melis, catalogadas e postas a manera chi totus ndi potzat gosare mellus gràtzias a sa digitalizadura a òpera de Giuseppe Broccia e Davide Melis. Is fotografias arregortas po mesu de unu sèculu de istòria mogoresa amostant comenti est mudada bidda nostra, is architeturas suas, is bias e is pratzas; ma fintzas arrogus de vida de traballu de is paesanus nostrus, is diis nodidas de festa e torrant a arregordai personis chi oramai non nci sunt prus.

Unu progetu chi at a permiti de fai torrai a bivi e de non s’iscaresci su tempus coladu e, pro chi ancora non nci fiat, de iscoberri is arrexinis cosa sua, cun s’ispera de podi arrii e arregordai “Sa bidda nostra”.

Pro permiti cun fatzilidadi e a manera lestra sa consultatzioni de su materiali fotogràficu, est istadu realizadu unu arrepranu informàticu in ui si podit arribai passendi de su portali internet de su Comunu de Mòguru. Custu arrepranu at a permiti de castiai a manera lestra is fotografias pedidas de s’utenti, gràtzias a una partzidura in categorias e gràtzias a unu box de circa chi isfrutat is faeddus crai alliongiadus a ònnia fotografia digitalizada.

In prus ònnia utenti at a podi donai una manu de agiudu pro milliorai s’archìviu, inditendi is nòminis de is eventualis personis reconnotas e no identificadas ancora o mandendi is fotografias cosa sua gràtzias a custu sistema etotu. Custu at a permiti de ammanniai ancora de prus su materiali documentàriu.