Corpo Pagina

Giunta Comunale

Sala della Giunta Comunale di Mogoro

Sa Giunta comunali est formada de:

SANDRO BROCCIA

SÌNDIGU

Est nàsciu in Mòguru su 9 de martzu de su 1956 — coiau

S’est diplomau a s’Istitutu Tecnicu Industriali “D.Scano” de Casteddu.

At traballau in sa CNA de su mesi de cabudanni 1978 a su mesi de argiolas de su 2004

Po sa CNA est istètiu su Segretàriu de Mòguru de su 1978 a su 1988; Segretàriu Provinciali de Aristanis de su 1988 a martzu de su 1993 — Segretàriu regionali de martzu 1993 a su mesi de argiolas de su 2004.

De su 1993 a su 2004 at dirìgiu sa rivista Nuova Impresa — periòdicu de economia de s’Impresa Sarda.

De su 1996 a su 1998 at fatu parti de su Consillu de Aministratzioni de sa Sfirs S.p.a.

De su 2000 a su 2003 est istètiu porta boxi de sa mesa de coordinamentu de is Associatzionis de Imprenditoria de sa Sardigna.

In su friàrgiu de su 2004 est istètiu eligiu vice presidenti de su CREL po rapresentai is fortzas de is imprendidoris.

De su mesi de argiolas de su 2004 finsas a martzu 2009 est istètiu Assessori Regionali de is Trasportus in sa Giunta de Renato Soru.

De su mesi de Maju de su 2009 est collaboradori de una azienda de telecomunicatzioni.

Me is eletzionis comunalis de su maju 2010 est istètiu eligiu Sìndigu de Mòguru in sa lista “Mogoro che cambia” chi at tentu su 61,50% de is votus.

LUCA ORRU’

VICE SÌNDIGU

Assessori de s’Urbanistica, Traballus Pùblicus e Edilitzia Privada.

Nàsciu in Casteddu su 27.10.1971. at bividu in Biddesorris finsas a is 18 annus.

Bivit a Mòguru de su 1989. Est coiau e tennit 2 fillus.

S’est diplomau a s’Istitutu Tecnicu Brunelleschi de Aristanis in su 1991 e est Liberu professionista de 1999.

Est istètiu Consilleri Comunali in Mòguru de su 2000 a su 2010. De su 2000 a su 2005 est istètiu puru Segretàriu de sa Pro Loco de Mòguru.

Est estimadori de su giogu de su palloni, at giogau comenti a portieri, stimat sa musica rock e s’archeologia.

FEDERICO ARIU

Assessori de su Bilànciu, de su Sport e de is Politigas de is Giovunus.

Nàsciu in Aristanis su 14 de lampadas de su 1987

S’est diplomau a s’Istitutu Tecnicu Comerciali “A. Gramsci” de Mòguru comenti Ragionieri e Peritu Comerciali.

De su mesi de onniasanti de su 2007 traballat comenti impiegau part-time in dd’una azienda de trasportus aundi fait sa contabilidadi.

Est maistu de Tennis de 1° gradu e de Basket.

LUISA BROCCIA

Consilleri delegau a is Atividadis Produtivas.

Nàscia in Aristanis su 23 de onniasanti de su 1975. Mama de 2 fillus.

S’est diplomada a su Liceu Classicu “De Castro” de Aristanis e laureada in su 2002 in sa Facoltadi de Giurisprundetzia de s’Universidadi de Casteddu.

De su 2003 traballat po sa CNA aundi fait sa contabilidadi po impresas artigianas e impresas piticas.

DONATO CAU

Assessori de is Polìticas Socialis, Polìticas de is Antzianus, Polìticas de sa Salludi.

Nàsciu in Mòguru su 12 de Martzu de su 1951 est coiau e tennit 2 fillus.

In su 1969, a sighidura de cuncursu pùblicu, intrada in s’Arma Aeronautica — Iscola Sotuficiali cun indiritzu controllu e servitizus traficu aèreu. In su 1981 e finsas a su 2009 traballat in s’ E.N.A.V. in callidadi de espertu de assistentzia de bòbidu e meteorologia Aeronàutica.

De su 2009 est in pentzioni.

De annus meda est protagonista de su mundu de is associatzionis, de su volontariau e de sa promotzioni sociali, de su 1986 est vice presidenti de s’Associatzioni Natzionali San Paolo Italia (ANSPI) e in prus est componenti de su diretivu de logu.

VINCENZO MONTISCI

Consilleri delegau a sa viabilidadi, pratzas e birdi pùblicu

Nàsciu in Mòguru su 23 de Gennàrgiu de su 1950. Coiau cun 2 fillus.

S’est diplomau Geometra e at traballau comenti Liberu professionista e dipendenti de impresas de costrutzioni finsas a su 1992.

De su 1992 a su 2008 est impiegau de s’Esaf.

De su 2008 est in pentzioni.

Est istètiu assessori a is traballus pùblicus de su Comunu de Mòguru de su 2000 a su 2005.

De su 2005 a su 2010 est istètiu consilleri de minoràntzia.

MARIA CRISTIANA SCANU

Assessori a sa cultura, istrutzioni e ispetàculus.

Nàscida in Mòguru su 26 de lampadas de su 1958, s’est diplomada a s’istitutu magistrali e laureada in scientzas de s’educatzioni a s’universidadi de Casteddu.

At bintu su cuncursu de meritu po is docentis de iscola elementari in su 1983 e de insaras insenniat sena solutzioni de continuidadi me is iscolas primarias de Mòguru.

Coiada, tenit unu fillu. De su 1988 bivit in su sartu, in Pauli Zuvau aundi su pobiddu sighit una azienda agricula e polit sighiri sa passioni po sa natura e is pegus.

Presidenti finsas de sa fondatzioni de sa Onlus Mus-e Sardegna, chi traballat aintru de is iscolas primarias e secondarias po s’integratzioni de totus is alunnus in cunditzioni de sbantasciu fadendi allestimentus de laboratòrius artìsticus.

Grandu ligidora, est grandu stimadora de su francesu Daniel Pennac cun sa saga de Benjamin Malaussène capu espiatoriu de professioni, e chi cunsiderat fundamentali, po chi si siat impenniau me in s’insenniamentu e s’educatzioni, is testus Come un romanzo e Diario scuola, chi consillat po finsas a totus is babus e mamas impentzamentaus po is fillus chi no ddis praxit a lìgiri.