In s’annu scolasticu de ocannu puru, si ponit in bia su progettu di educazioni stadali in is iscolas, promoviu de su Comunu e cun s’aggiudu de sa Polizia municipali e cun is lstitutus scolasticus. A s’agabbu de is lezlonls de connoscenzia e imparu fattas de is istudiantis de is lscolas Medias, a pustis sa cunsigna de sa patenti po sa guida de su ciclomotori, de sa cida chi benit hat a teni inghizzu unu progettu di educazioni stradali po is piccioccheddus prus pitius.

S’idea, chi ghettat a pari 8 classis po unu numeru prus o mancu de 150 scolanus de prima, segunda, terza e quarta elementari, hat a andai a innantis po tottu su mesi de maju e de Ìamparas e s’hat a fai in sa Pranza Martiri de sa Libertadi. A Moguru su progettu benit portati a innantis de 5 annus a custa parti e tenit cumenti a scopu primaria s’impara e sa pratiga po sa guida de sa bicicletta po donai sicuresa a su trapiccu de is istradas.

Custu de s’educazioni stradali est unu de is tantis progettus maduraus cun risultas mannas de su Comunu impari cun is iscolas. Unu momentu importanti abi is plccioccheddus ndi pigant parti cun prexu e crosidadi manna. In is cursus de scollamentu, tentus cun capassidadi de su personali de sa Polizia municipali, hant essi postus a frontu is chistionis chi interessant sa circolazioni stradali, is signialis de is cartellus e is giustus modus de cumportamentu.

A s’agabbu de is dis de connoscenzia e de imparu, a is piccioccheddus noizzus, hat a beni donau cunienti a arregodu unu attestàu, cumenti a omineddu abbili e capassu in su camminai e passillai a pei e in su manixu de sa bicicletta.