Festa manna occannu puru religiosa e civili in onori de su Patronu de Moguru, Santu Brannadiu de Siena, chi s'est fatta cummenti a custummausu 19, 20 e 21 de maju.

Cun prexiu e devozioni manna sa genti a trumas hat pozzidu gosai sa festa grazias a s'impegnu de su comitau, a sa presenzia de is quaddus e bois cuncodraus, is gruppus in custumu sardu, sa cunfraria, a sa prucessioni de su santu. Is fogus de s'arroda, is ispassius de is sonus, cantus e ballus cun tottus is attrus giogus e intrattenimentus chi funt presentis a spompiu mannu me is festas prus nodias, hant donau importu po s'accrescimentu de sa festa prus intenida e abettada no feti de is mogoresus ma de tottu is popolaus de is biddas accanta.