MOGURU - Cust'annu puru is guardias de sa polizia municipali de Moguru si funt donaus de fai po circai de fai imparai is sinnialis a is pipius de is asilus e is piccioccheddus de sa scolla elementari.

Su progettu chi si narat "Cresci cun siguresa" hat interessau 160 pipius impari cun is maistas e maistus, edicadoris e famigliaris.

Sa passillada in cammiu a cambarada fatta me is bias e prazzas de sa bidda si est congruida in sa prazza de is Martiris de sa Libertadi abi est istau approntau unu logu po curri e giogai in bicicletta cun tottu is sinnialis istradalis prus comunus. Su prexu e su gosu de is pippius e picioccheddus impari a is guardias e tottu sa genti presenti hat coronau s'annu 2006 puru cun custu bonu e importanti arrennescimentu.

Si ringraziant is maistus e maistas, is educadoris, su personali de is servizius socialis e de assistenza, is operaius comunalis e tottu is atrus chi hant aggiudau e cretiu a custa bella penzàda.