SU SERVìTZIU SOCIU-CULTURALI E SU SPORTELLU LINGUISTICU DE SU COMUNU DE MOGURU IMPARI CUN IS SCOLAS DE MOGURU ANNUNTZIANT SU CONCURSU “LITTERA E ATRU A SU BAMBINEDDU” (III EDITZIONI) PRO IS PIPIUS DE IS ASILUS (STATALIS E PARIFICAUS ) E ELEMENTARIS DE MOGURU.
S’IDEA SI ponit A INTRO DE IS MANIFESTATZIONIS CHI S’ANT A FAI PRO IS FESTAS DE Paschixedda 2008 E DE su PROGRAMMA pro DIFEndi, promovi, spainai e valorizai sA LINGUA SARDA TRA Is pipius, PROMOVENDindi pruscatottu su torrai a scoberri sa lingua nostra e fintzas a da torrai a usai pro scriri.
SCADèNtZiA: mercuris 10 de su mesi de idas 2008  
REGULAMENTU.

Art. 1 -  Tottus is pipius de is asilus (statalis e parificaus) e cussus de is scolas elementaris funt ammìttius a pigai parti a su cuncursu, chi at a previdi tres gruppus:

·        1° GRUPPU: pro is alunnus de is asilus;

·        2° GRUPPU: pro is alunnus de is primas duas classis de is scolas elementaris;

·        3° GRUPPU: pro is alunnus de is urtimas tres classis de is scolas elementaris.

Art. 2 – Su tema at a essi unu feti pro tottus is gruppus: “A Jesus Pipieddu appenas nascidu iat bollit nai…

Art. 3 - PRIMU GRUPPU: onnia pipiu de is asilus statalis e parificaus at a realizai unu disignu a subra su tema de su cuncursu. In prusu, is pipius ant a cantai, tottus impari, duas cantzonis de sa traditzioni de Paschixedda in lingua sarda.

SECONDU GRUPPU: onnia pipiu de is primas duas classis de is scolas elementaris at a fai unu disignu e una frasia in lingua sarda a subra su tema de su cuncursu. Tottus impari is pipius ant podi cantai una cantzoni de sa traditzioni de Paschixedda in sa lingua nostra de minoria. Sa die de sa tzerimonia de premiatzioni ant a cantai tottus impari ( primas e segundas ), custa cantzoni.

TERTZU GRUPPU: onnia pipiu de is urtimas tres classis de is scolas elementaris at podi scioberai chi partetzipai a sa:

1.     SETZIONI  A - LITTERAS: su componimentu at a deppi essi scrittu feti in lingua sarda e cumenti a una littera in prosa;

2.     SETZIONI B - IMBALAPIPIUS E POESIAS: su tema at a podi essi sviluppau cumenti una imballapipius o cumenti una poesia cun versus e rimas feti in lingua sarda.

Tottus impari is pipius de is tertzas elementaris ( e ainci ant a fai is alunnus de is cuartas e de is cuintas classis), ant podi cantai una cantzoni de sa traditzioni de Paschixedda in sa lingua nostra de minoria. Sa die de sa tzerimonia de premiatzioni ant a cantai custa cantzoni tottus impari, is tertzas cun is tertzas, is cuartas cun is cuartas e ainci ant a fai is cuintas.

Art. 4 – Is componimentus si depint presentai in originali, depint essi mai imprentadus (in atrus fueddus, mai presentaus in atrus cuncursus). Si depint mandai, pena sa bogadura de su cuncursu, intra mercuris 10 de su mesi de Idas 2008, a: Ufìtziu lingua sarda – Comunu de Moguru – Bia Leopardi n° 8  (at fai fedi da data de su protocollu comunali).

Art. 5 – Pro is disignus de su PRIMU GRUPPU ( asilus ), custus no ant a essi giudicaus de sa Cummissioni e ant beni premiaus tottus is partetzipantis a su cuncursu. At a essi doveri de onnia asilu (statali o parificadu chi siat) pentzai a fai arriciri is disignus ( e in dd’onniunu c’at depi essi su nomene de su pipiu e de s’asilu de appartenentzia) in dd’unu plicu.

Pro is GRUPPUS II e III (scola elementari), is componimentus ant depi essi firmadus cun unu nomene imbentau, e imbetzes is generalidadis de s’autore (nomene, sambenadu, classi de scola e setzioni de su cuncursu cun indiritzu e numunu de telefunu, sena iscaresci su nomene imbentau), s’ant depi attaccai a su traballu aintru de una littera serrada beni.

Art. 8 – Onnia partetzipanti no at podi essi premiadu in prus de una setzioni.

Art. 9 – Is operas presentadas ant essi giudicadas de una Giuria de abilis meda in lingua e cultura sarda, scioberada de sa Amministratzioni comuanli de Moguru.

Art. 10 – Sa giuria, bius e ligius is componimentus, at donai:

·        PRIMU GRUPPU (asilus) : A tottus is partetzipantis un attestadu de partetzipatzione, sena fai differentzias;

·        SEGUNDU GRUPPU (classis I – II de is elementaris): Primu, segundu e tertzu premiu;

·        TERTZU GRUPPU (classis III – IV – V de is elementaris):

Setzioni “A” – PROSA: Primu, segundu e tertzu premiu;

Setzioni “B” – IMBALAPIPIUS E POESIAS: Primu, segundu  e tertzu premiu.

Is primus tres classificadus de onnia gruppu ant arriciri unu premiu e unu attestadu de partetzipatzione. Tottus is atrus partetzipantis ant beni premiaus cun dd’unu attestadu de partetzipatzione.
Art. 11 – Sa proclamazioni ufficiali de is bincidoris e sa tzerimonia de premiatzioni impari cun sa ligidura de is cumponimentus s’at a fai in s’urtima chida primu ed is vacatzias de Paschixedda e at a essi aberta a is familiaris de is pipius e a sa genti. In custa occasioni s’at a donai sa arregorta de is traballus de s’editzione 2007 de su cuncursu “Littera e atru a su Bambineddu”.

Art. 12 – Is traballus imbiadus ant a abarrai de propriedadi de su Comunu de Moguru ca si riservat  is dirittus pro ddu su publicai o in ddi fai atras cosas, sempri de cultura. A pustis, componimentus e disignus ant a podi essi arregortus in unu libru.