Salta la barra di navigazione e vai ai contenuti
At a essi sabudu 8 de Onniasanti sa commemoratzioni de sa bidda de Moguru pro arregodai is mortus de is duas gherras mondialis. Sa Tzèrimonia, chi s’amministratzioni comunali mogoresa at organitzadu cun is Associatzionis de is ex cumbattentis, at a cumentzai faci’oras de is 10 mancu quartu de mangianu cun is reducis de is cumbattentis de totus is Armas, s’amministratzioni comunali e is autoridadis civilis e militaris chi totus impari ant a andai in sa crèsia de Santu Bernardinu pro sa Missa. A postis, faci’oras de is 11 e mesu, s’at a torrai a su monumentu pro sa beneditzioni e is fueddus de arregodu de is sordaus motus in gherra. Su refriscu at a essi a mesudì e mesu.
