Moguru appoderat ancora cumenti a s’antigoriu s’usanzia de fai s’incontru sa di’ de Pasca. Incontru de Gesu Cristu risuscitau e sa Mamma sua, sa Madonna. Est una usanzia nodida lassada in eredidadi de is Ispagnolus abi is Mogoresus cumenti a ognia annu no podint mancai.

Sa di a mengianu prestu, de sa cresia manna si incamminant duas diversas prucessionis, chi passant me is arrugas de sa idda.Una si imbiat a manu esta cun sa staua de Gesusu risuscitau accumpangiau de is crunfaras, is ominis de su gruppu folkloristicu e atrus ominis e s’atra a manu manca cun sa Madonna bistida de luttu po sa morti de su fillu, accumpangiada de is priorissas, is fillas de maria e is femmias de su gruppu folcloristicu e atras avattu.

Sincontru tra mamma e fillu si faidi in s’ingruxeri de s’ecca de Mateddu tra via Nuova, via Lussu e via Gramsci. A pustis is tres salludus i s’imprassada e is basidus trà Gesusu e Maria is priorissas ndi lianta sa mantiglia niedda de sa Madonna e dda bistint de asullu.

Su sparatoriu de is guetttus e granatas salludat su fattu e ponit prexu e alligria a tottu su popolau commoviu e cuminzat sa festa.. Sa statua de Gesus trionfanti impari cun sa mamma portadas a coddu e a spompiu de is crunfaras, si incamminat in via Gramsci in tra sonus, cantus in lingua sarda e zaccarramanus de sa genti, e a pustis sa prucessioni arribbat a cresia manna abi s’arrettori in pompa magna hat a fai sa missa cantada.a su popolau festanti.