Moguru in su medioevu fadiat parti de su Giudicau de Arborea, in sa Curadoria de Part’e Montis, i est istada Capitali po tempusu meda a pustis Gonnotramatza. In su 1335, a pustis sa paxi trà s’Aragona e s’Arborea firmada a Seddori, hiat imbiau is proprius delegaus a su primu Parlamentu (is Coortis) chi si fut tentu a Casteddu po volontadi de Pedru IV de Aragona. In su matessi annu, Moguru fut istau donau in feudu de su Rei Aragonesu a Franciscu de San Clementi. Fut passau a Giordanu Tola in su 1421 e fut istau bendidu a su mercanti sassaresu Giacumu Manca passendi a Galzerado Torella e a is fradis in su 1464.

In sa prima mettadi de su 1500 a pustis de is sighentis assatillus e bardanas de is Turcus e Morus, sa idda de Bonorcili fut istada distruida e giai tottus is iscampaus si fiant fuius e fianta abarraus a Moguru.

In epoca spagnola (1522) Moguru fut passau de Anna Serra Bernat a Gerolamu Sanjust e a Pustis fut intrau in propriedadi de is Contis de Quirra (1603).

A pustis, a s’accabbu de su Marchesau de Oristanis hiat sighiu is sortis de sa contea de Quirra asutte is Carroz finzas a is Centelles e a is Osoriu de La Queva.

Fut istau riscattau in su 1839, in su trasiu de su regnu de Carlu Albertu, secundu is ordinanzas de sa Carta reali promulgada in su 1835, chi punnat a torrai a beni in possessu de is terras sen’e scotturai trascuradas de is feudatarius e fut intrada a fai parti in su regnu d’Italia a pustis s’unificazioni chi si fut fata in su 1861.

• Crescita de sa populazione