Identidadi nostra

Salta la barra di navigazione e vai ai contenuti

Su mattedu

Mendulas in froriA su sattu de moguru si podit circai de donai ordini in custas genias:

  • Zona pruscatottu abi crescint is matas annualis non naturalis;
  • Zonas postas a bingias, obias,mendulas,e giardinus de arangius e atru;

  • Zonas de rimboschimentu cun matas istrangias cumenti a s’oppinu e s’occalittu.

Moddizzi Custas zonas funt is logus antropicus, poita su traballu de s’omini hat mudau is satus abi cresciat su mattedu naturali.

Sighint atrus logus e satus prus naturalis cumenti a:

  • Zonas de arroccas e crontas ispolladas de mattedu;
  • Zonas de erbas po pasturas intravveradas cun pagu mattedu;
  • Zonas de struvialla cun mattedu basciu e mobixeddas de moddizzi,arrideli,ciorixina, ollasteddus, murta e mattixeddas basciottas;
  • Zonas abboscadas de mattedu mannu.

Is ixibis de Padenti Is padentis de is ixibis funt presentis me is azzas, is mraxis e is costeras de is pranus de pedra niedda chi si agatant in su territoriu. Medas ortas custus padentis funt trobbilicaus de mobas, cracchiris e stuppingius intramassaus cun s’arrù chi no lassant passai ne ominis be arresis e abi agatant su logu giustu po cresci sa lana de pedra, fixibi, ceresia dama, tintioni e asutta, in callincunu spazraxu finzas fiobas coilleddus de sattu leppiri sposu e medas arrazzas de codroiu.

Pubuia in s'ierru cun codroiu de matta Abi su padenti est prus arràu poita s’omini hat fattu narboni po is pasturas o po causa de is fogus chi hant abbruxiau su logu, funt presentis is mobas cumenti a:

  • Mobas de moddizzi;
  • Murta;
  • Mudregheddus o mudregoni;
  • Ollioni;
  • Mobas de lua de monti;
  • Mobas de sibiqua e atras.

Mattedu in s'oru de frumminiMe is coras e is arrius pruscatottu in basciu de is canabis e me is azzas e mraxis de su frummini de Moguru ddui crescint meda matas de linnarbu, pubuìa, axibi, ollastu de frummini, tramazzus,c annas e cannisonis,spadua mascu e femmina, giuncu, zoia e sessinargius.