Is arroccas e arrocchibaxius prus antigus chi si agatant me is satus Mogoresus funt de su periudu Miocenicu e si podint bi pruscatottu alad’e bente sobi e muntangesu de sa idda: Sa forada manna, Cruccu, Sarrecca, Pala cerbu, Santa Intoria, Muntonaxi, Serra neba e Craccaxia, abi si bint is pilladas e is crovassas marinas (chi oi funt arroccas arenosas moddis e tostadas de perda bianca arricca de croxius de coccioba e atrus fossilis) abi in su sattu pruscatottu de Is Perderas funt istadas traballadas in tottu is tempus po fai lacus, sarcofagus, e segada e piccapedrada est istrada usada po fabbricai domus e cresias.

Cruccu de Moguru invecias (207 m s.l.m.) est de appartenenzia a su periudu vulcanicu, chi si agatàda a bortas asutta o foras de aqua in su periudu de su Miocene. Est quindi sa risulta de arroccas basicas de su primu trasiu magmaticu de su Monte Arci.

Custus diatremas vulcanicus inframiocenicus rappresentant s’a ziai e cabai asuba e asutta de mari de is istratus de arrocchibascius arenosus de su Miocene chi hat interessau tottu sa Marmilla, abi is sedimentus marinus antigus funt istaus in bona parti crobettus de is lavas chi hant formau is pranus de perda niedda de Sa stuvina e perdiana e is pranus prus piticus de Pranu Ollastu, Praneddu, Campu de pedrixis, Su corongeddu e Bonorcili.

In tottu sa zona sud occidentali (muntangesu) si agatant terrenus arenosus de su periudu Eolicu candu su bentu estu stràdu suat a forti tramudendi s’arena bobadrixi de is orus de mari ammuntonendidda in logus attesu e chi oi si agatanta spraxidas me is satus de Paboi azzuvau, Mudegu eru, Perda margiani, Su coddu de is froris, Pauli cubeddu e atrus logus abi s’omini de tempus meda hat postu e traballau is famadas bingias de is Arenas.