• SS 131 km 62 - 09095 Moguru (OR) Sardigna
• Tel: +39 (0) 783990285
• Situ: www.ilnuraghe.it
• E-mail : cantina@ilnuraghe.it

Sa cantina, chi fut istrada fundada de pagus bingiatteris in su 1956, oindì contat asuba de 700 sozis de bidda e logus de accanta cun 450 ettarus postus a bingia e traballaus secundu sa custumanzia de su passau cun is migliorias de is urtimas scienzias e connoscenzias de sa modernidadi.

E propriu grazias a custu fattu (ingruxeri de connoscenzias), chi podeus buffai binus de callidadi manna arricconnotus e famaus cumenti a Prima macerazione, binu noeddu bincidori po ortas meda a sa Rassigna Regionali de Milis, impari a is aprezziaus binus de semidanu, vermentinu, nuragus, malvasia, cannonau e mora niedda chi funt istaus premiaus in logusu meda, portendi sa idda de Moguru a bantu in tottu su mundu po hai bintu in medas cuncursus nazionalis, cumenti est suzzediu in su 2002 a su premiu famau “Douja D’or” de Asti cun su binu Nabui fattu cun axia de mora niedda sceràda e cun su semidanu, binu biancu, prus de un’orta bincidori in continenti e in atrus logus, nomonau cumenti a Puisteris senza de si scaresci is aprezzius mannus tentus a “Vinitaly” de Verona o a sa manifestazioni de importu mannu “The London internetional wine & spirits” fais in Inghilterra.