Su traballu de sa laurera est su prus pratigau in sa idda de Moguru, sighiu de su de is bingias, abi sa cantina “Il Nuraghe” est sa rappresentanti. De importu mannu est puru su settori de sa cosa de pappai e de is traballus artigianalis e industrialis.

In sa bidda funt presentis medas buttegas commencialis puru e servizius chi donant traballu a bona parti de su popolau, me is officinas chi traballant su ferru, s’alluminiu, sa mobilia, is officinas meccanicas, impresas de muradoris e de trasportus.

Ma Moguru ollit nai pruscatottu traballu de is artis e mestieris abi si faint arazzus e tappetus, iscannus, cascias pancas, mesas e atra mobilia chi ognia annu po sa fiera de su tappetu benint postus in ammostu e bendidus cumenti a prendas nodidas de is artigianus mogoresus.