Comunu de Moguru

Comune di Mogoro - 50ma Fiera del Tappeto

Salta la barra di navigazione e vai ai contenuti

Su traballamentu

Tottu su laùru de is arazzus e tappetus benit fattu cun is trobaxius antigus fattus cun linna de obia e de ollastu e di atrus similantis. Sa trama benit passada in mesu de is filus de s’ordìu cun d’unu s’pingi spola o pizziri de canna. Su tanti de is lizzas podit essi de 2 a 13 e s’arazzu de 80 X 180 podit portai prus de 1000 filus.

Is ARAZZUS mogoresus funt fattus a bagas, genia de traballu chi abbisongiat de abbilidadi e ingegniu mannu in su manixiu de su tessingiu, ma chi donat sa possibbilidadi de ndi bogai a pillu arazzus de callidadi unica e nodida. Is misuras in su passau fiant prus o mancu de mesu metru e sa longaria fut fatta a secundu gustus e abbisongius cumenti pruscatottu si sighit a fai oindi.
 
Is CILLONIS fiant fattus a briabi e mancai su traballu fessat istentosu, e in custus urtimus tempus no si fazzat giai prus, ti permittiat de fai disignus e formas fantasiosas a pibionis.Est una genia de traballai connota in logus meda e su disignu est fattu de granus apupuddaus chi assimbillant a is pibionis de axia chi benint criaus de unu filu de trama acciunta fatta passai me is filus de s’ordìu, benit torrau a pigai cun is manus e imboddiau cun d’una busa(ferro da calza), in modu de podi donai traggiu e ammostu a su disignu . Medas ortas me is cillonis custa genia de tessingiu beniat fatta feti in s’oru chi indrollada sa fascia a ingiriu de is cillonis.

Is TAPPETUS nascint e pigant imbentu de is mollus e traggius de is cillonis e benint fattus a pibionis chi interessendi tottu s’ampraria e sa longaria donant a su tappetu traggiu e fortilesa po podi aguantai mellus su stravuggiu.Is misuras o cantellu podint essi medas e mudant a prexeri de 2 metrus a 1 a 3,5 metrus po 3, ma ollendi podint essi fattus cun misuras diversas a segundu is gustus e is abbisongius de sa genti.