Su centru polifunzionali permanenti de sa fiera d su tappetu, nascit cun s’idea de no essi feti logu de attobiu e bendita in su trasìu de s’istadi, ma po donai sa possibbilidadi di essi abertus a tot’annu in modu chi sa genti de ognia logu essant no feti biu e comporau custus traballus nodius, ma chi essat istau puru logu invitanti po is bisitas e passilladas po si podi gosai tottu is atras meraviglias ispantosas de is logus nostus.

Custus localis a su momentu podint contai asuba de milla metrus quadrus giai fabbricaus e postus in opera e de atrus 3 milla e prus de agabai po podi donai sa possibbilidadi a sa genti de si informai, de fai cultura, essi logu de benditas, e finzas de spassiu e intrattenimentu po tottu sa genti.

Su logu abi est istau fabbricau custu casamentu est inzettau. E si sposat beni cun su birdi, su mattedu e is froriduras chi funt a ingiriu de su giardinu de su municipiu. Is murus de perda bianca cun is cornissas e is arcabis beni traballaus e piccaus si crosant cun is traballus nodius chi benint postus in ammostu aintru cumenti a arazzus, tappetus, gioias, cascias e mobilia de linna, strexus de terra e traballus in ferru e medas atrus impari a tottu is atras beridadis artisticas.

De annodizzu mannu funt puru is logus de ammostu e bendita de is prodottus agro alimentari de sa Corona Arrubia postu in mesu a su casamentu e puru is cumbessias a ingiriu abi agatant sciogu e giustu cracullamentu is mostras nodidas organizzadas de sa Pro Loco asuba is arregodus de is bellesas de is costumus de s’antigoriu e is ainas de is usanzias e costumanzias de sa idda de Moguru.