Su scioberu de is duas sezionis fut istrada inzettàda e fut andada a innantis finzas a su 1998 grazias a su traballu e sa fidi de is varius direttivus chi dd’hiant guidau in su tempus. Su cammiu fut istau longu e trumentosu ma importanti, finzas a fai nai de is poetas e scrittoris e criticus de litteradura ca fut su prus organizzau beni de tottu sa Sardigna, donendi arrexioni a tottus is chi hiant cretiu, aggiudau e portau a innantis custa bella pensàda. Is personas de importu mannu scioberadas po is giurias,presenziadas in su tempus de Fernandu Pilia, Faustinu Onnis, Giovanni Lilliu, po sa sezioni”A” Marcu Ledda po sa sezioni”B”e Pieru Marras po “Sonus e Cantus”, is temas trattaus,sa partecipazioni de is poetas e scrittoris prus qualificaus, su patrociniu de sa Regioni Sarda,de sa Provincia de Oristanis e de su Cumunu de Moguru, de S’Enti Provinciali de su Turismu, impari a medas atrus Entis pubblicus e privaus me is diversus settoris, sa testimonianza de is prus mannas autoridadis civilis,militaris e religiosas, cun sa presenzia e s’aggiudu de su popolau, hiant fatu de custa iniziativa unu logu de attobiu e importu mannu po tottu sa Sardigna, arribbendi a teni aprezzius in continenti puru e minescendisì s’onorifecenzia manna de su Presidenti de sa Repubblica Italiana Francescu Cossiga.

Ma su premiu, no si fut accuntentau feti de organizzaicuncursus de litteradura. Hiat allargau is esperienzias pubblichendi antologias,presentendi librus de poetas e scrittoris , films e documentarius de registas, hiat organizzau seradas teatralis e fut istau finzas capu scolla e pionieri aberrendi atras sezionis cumenti a s’artigianau, sonus e cantus po is giovunus artistas, is corus polifonicus dedicaus a sa memoria de Maria Carta.Hiat istituiu su preiu speciali “Sardu Balenti”, premiandi is massimus esponentis de is varias disciplinas artisticas chi si fiant annodizzaus in sa difesa e su spraximentu de sa lingua e sa cultura sarda. In Prus hiat organizzau e manixiau cunvegnus de studius de importu mannu cumenti a: ”I Premi Letterari in Sardegna” e “ Dove va la poesia in Sardegna.Proposte e prospettive”, chi hia tentu fama manna in d’ognia logu, chistionendi de is organizzadoris e de sa bidda , cumenti a frori nodìu po s’aggiudu e su spraximentu de sa lingua e sa cultura de sa Sardigna. Immou su Premiu est firmuE cumenti a una navi ancorada in su portu, chi a pustis hai assruccau su mari mannu de sa cultura, abettat speranzosa atrus capitanus e marineris coraggiosus, chi pozzant una di’ o un’antra torrai a poni is velas in su pinnioni po torrai a spraxi in tottu is portus is iscienzias e connoscenzias nodidas groriosas e sunfridas. Sienda manna lassada in agenzia de chini una di’ cun arriscu mannu hiat tentau s’azzardu realizzendi unu bisu poeticu spantosu.

Rassigna “Saboris de teatru”
Saboris de teatru in Marmilla. Est su cundimentu preparau de sssociazioni culturali »Teatru Tragodia » de Mogurupo s’urtma cida de su mesi de maju e in su 2006 sat a fai su terzu appuntamendu. No feti teatru, ambrosia po s’anima, ma mandiaris de tastai e gustai po is liconaxius. Organizzàda cun su patrociniu de s’amministrazioni comunali e de s’assessorau regionalia s‘Agricoltura e Riforma Agropastorali, sa manifestazioni “Saboris de Teatru”ammostat su spiritu teatrali impari a is mandiaris saborius de sa sardigna po is mesas prus nodidas. Buttariga, de s a Blue Marlin, binus de sa cantina sociali”Il Nuraghe”, seadas, e crucis sardus, de su pastificiu”Froris de granus” cun su pani de is panetteris e is cunservas e su casu de su consorziu” Trasformatori Biologici”e atras siendas de is biddas de accanta. Faint de prontuariu po is arrisus e spassiusde is diversas cummedias .Sa rassegna est istada fatta in duas torradas annualis in trà is murus e portalis e de sa cresiedda de su Cramu. A cumenzai de sa terza torràda s’hat a spostai in su teatru “sa fabbrica de is gazzosas” Sidea est infatti de poni impari s’anima de sa terra nosta fatta de teatru e cultura in lingua sarda cun su sposoriu de is fragus e profumus de is mandiaris de s’antigoriu po podi tastai su gustu saboriu callidadpsu e de importu mannu impari cun su teatru.

Rassigna ”Urtimu teatru”
Prus de trinta scappadas, in su mesi de ladaminis e mes’e idas. Cun momentus teatralis ingespiaus e artistas chi arribbant de tottu sa sardigna e finzas de continenti chi trà: prosa, poesia,stroccidoris,buffonis,mariondellarxius maiarxius e giogheris de ognia genia poita s’urtimu teatru no siat s’urtimu. Est custu su fueddu de sa rassigna”Urtimu teatru”organizzada de sa cumpangia”Teatro Tragodia”de Moguru cun su patrociniu de s’Assessorau a Pubblica Istruzioni Cultura e spettaculude sa Regioni sarda e su comunu de Moguru, a pustis sa partenza in su 2004 in su saloni de is iscolas elementaris, giai de su secund’annu hat biu su tramudamentu in su teatru” La fabbrica delle gazzose” e una crescina sighenti de ricconoscimentus e partecipazioni de sa genti. Su scopo de sa rassigna est chi s’urtimu teatru de su populu no morrat, poita sa Marmilla puru est pagu cracullàda e interessada de momentus culturalis giai sempri in manus de is cittadis. S’idea est de indi bessi a foras de su logu e portai is centrus de sa Marmilla a s’ammostu de sa cultura,arti e teatru chi nascint in custus logus. E asuba de custu puntat puru s’amministrazioni comunali chi cun is traballus agabbaus de su teatru chi hat a donai sa possibbilidadi de 1500 postus, po ndi podi bogai de Moguru unu logu de attobiu culturali po is manifestazionis prus importantis in sardigna.