S’intràda a sa Biblioteca est libera e gratuìa, su serviziu de informazioni de sa biblioteca pigat mollus de su prinzipiu de eguallidadi de is dirittus de is liggidoris. No si faint scioberamentus o apprazzebbas a nemus a secundu s’edadi, mascus o femminas, arrazza, lingua, religioni, ideas politicas. Is servizius donaus funt custus:

• “Reference”
  Su “Reference” est unu serviziu donau po accuntentai is abbisongius de is informazionis e iscedas po sa genti, po donai s’orientamentu e ghìa asuba is servizius e serbitudis e s’assistenzia e su cunzuttu de is catalogus o elencus chi tenit sa Biblioteca, donat e imbiat sa genti a utilizzai e indirizzai a s’elencu a seconda de is gustus e is abbisongius bibliograficus, donat aggiudu po su pricuramentu e arreguamentu de is novas bibliograficas, e atras iscedas chi pozzat serbì a su studiu, sa curiosidadi o spriccuamentu de is liggidoris.
• Catalogu “on-line” e is servizius chi serbint
  Sa biblioteca Comunali de Moguru fait parti de su Sistema Regionali SBN de sa Sardigna, amministrau de su Serviziu Benis Librarius e documentarius e scedas de sa Regioni Autonoma de sa Sardigna (SBN = Serviziu Bibliotecariu Nazionali, e sa rete de is Bibliotecas Italianas promovia de su Ministeru po is benis culturalis cun s’aggiudu e accordiu in trà is Regionis e is Universidadis, abi su scopu est su spraximentu de is servizius a sa genti (gestioni de unu catalogu patta pari in linea, acordiu asuba de is benis de s’intràda a is documentus ). Su serviziu on-line de sa rete bibliotecaria de sa Sardigna permittidi de cunzuttai is elencus de tottu is Bibliotecas de appartenenza a su sistema Regionali. Sa circa de su materiali chi si agatat in sa biblioteca de Moguru, benint fattas po mesu de sa Regioni,a custu indirizzu http://opac.regione.sardegna.it. A su momentu est presenti in rete prus o mancu su 38 %de sa sienda de is documentus in possidenzia de sa biblioteca comunali de Moguru e su 62% chi abarrat si bidi feti in sa banca de is datus localis. In s’abettu de podi disponi de s’elencu de linea interu ,po podi teni connoscenzia beridadosa de su patrimoniu documentariu in possessu de sa biblioteca bisongiat a fai circas e preguntas in su catalogu informatizzau de su logu o is su catalogu on-line. In s’home page de su situ, unu link ndi torrat is servizius a su liggidori e chi est iscrittu a una de is bibliotecas in rete, podit esaminai sa situazioni sua po is prestidus in cursu, conzillai in sa compora de is documentus , cambiai sa propria passwurd,cunzuttai sa bibblografia propria, ecc
• Prestidus a domu propria
  Tottu is personas, mancai siant biventis in atrus Comunus podint ottenni in prestidu a domu propria su materiali documentariu de propriedadi de sa Biblioteca, bastit chi siant in regola cun s’iscrizioni. S’iscrizioni benit donada a pustis s’ammostu e su controllu de su documentu de identidadi personali. Po is minoris de 15 annus est de obbligu sa sottoiscrizioni de parti de unu de is familiaris o de chini ndi tenit sa responsabbilidadi. Su prestidu est personali, a parti certas ortas motivadas e autorizzadas de su bibliotecariu de turnu, e sa persona est responsabbili de su bonu trattamentu e arreguamentu de su materiali pigau in prestidu. No faint parti de su prestidu is operas de cunzuttu generali cumenti a: (dizionarius,enciclopedias,giornalis, urtimu numeru de is periodicus, ecc..), su materiali a norma de lei asuba su dirittu de autori er is operas chi, a giudizio de s’operadori, depint abarrai in sa Biblioteca.
  Est permittidu puru su prestidu de varias operas po ognia persona cumenti a: 
   - 3 documentus librarius 
   - 3 giornalis periodicus ( a parti su numeru currenti)
  
  Su prestidu depit durai a pasoni sun prus 30 dis po su materiali librariu e 10 dis po is periodicus. Prima de sa scadenza est possibili s’arronnuamentu de sa pasoni, si no nci funt preguntas de atru personas. Su materiali audiovisivu e multimediali est a su momentu lassau a parti de su prestidu.
• Prenotamentu de su prestidu
  Est ammittida sa prenotazioni de is operas in prestidu, chi podit essi fatta finzas telefonendi, e a pustis finzas in bas telematicas. Su personali de sa Biblioteca hat a torrai sceda a sa persona de sa presenzia de s’opera. Passadas 3 dis de tali annunziu, hat a accabbai s’appautu de sa prenotazioni.
• Conzillus po sa compora
  Est possibili de donai conzillus po sa compora de is librus, cd-rom,dvd, ecc..cun is modularius donaus de sa Biblioteca o puru usendi su modulu on-line in su logu de Servizius ai ligidoris de s’OPAC, ponendi su propriu codici lettori. Is conzillus, si tenint torràda cun s’arregorta de is documentus in possidenzia e cun su dinai a disposizioni, hant a arriccai sa sienda de sa Biblioteca.
• Cunzuttus in su logu
  Su cunzuttu in su logu de is catalogus e de sa sienda de is documentus in sa Biblioteca est libera e gratuida e previdit protzeduras formalis feti po is documentus chi tengiant abbisongiu de essi stuggiaus po su valori, dilicadesa e importu chi tenint. Is liggidoris tenin libera intràda a is sezionis de is iscaffali abertus.
• Fotocopias
  Su serviziu de fotocopiatura, ammittidu feti po is documentus in possessu de sa Biblioteca est gratuìu e benit sbrigau de su Bibliotecariu de turnu (A sun prus duas paginas po ognia persona e cun su rispettu de is leis asuba de su dirittu de is autoris)
• Lettura de is giornalis
  In sa zona “emeroteca” (lettura de is giornalis) podint essi cunzuttaus tottu custus giornalis:
   - La nuova Sardegna
   - L'unione Sarda
  
  Settimanalis:
   - L’Espresso
   - Topolino
  
  Mensili: 
   - Airone
   - Art e dossier
   - Archeologia viva
   - Ciack
   - Cucinare bene
   - Focus
   - Focus Junior
   - Gardenia
   - Macchina del tempo
   - Medicina naturale
   - National Geographic Italia
   - Psicologia contemporanea
   - Biblioteche oggi
   - E varias atras rivistas…

Ant’essi su prus a lestru postus in essiri custus servizius nous:

• Prestidu interbliotecariu
  Cun s’approntadura de su serviziu prestidu, cun su Sistema Regionali SBN de sa Sardigna, s’Enti pigat impignu de assicurai ,a su prus a lestru, unu serviziu cossariu de prestidu cun is Bibliotecas chi faint parti de su Sistema Regionali SBN de sa Sardigna
• Serviziu multimediali
  Cun s’inghizzu e sa partenza de su Centru”C.A.P.S.D.A. de 2° livellu (Centrus de Intrada Pubblica de sa genti Ai Servizius Digitalis Avanzaus), finanziau de sa Regioni Autonoma de sa Sardigna, is personas hant a podi usai n. 2 logus de postamentu multimedialis.