Sa Biblioteca Comunali de Moguru, aberta a su popolau in s’annu 1990, si agatat in mesu de sa bidda, in su palaziu de su (municipiu becciu). Fabbricau a dus pianus e concodriau de ascensori.

In su pianu de basciu, in su muru a manu manca de su passadizzu ddui est una bacheca manna abi benint postus in ammostu is avvisus e is iscedas chi podint serbì a su popolau.

De su passadizzu, si intrat a su Logu de is informazionis, orientamentu e prestidu. Su Logu est riservau puru a is “servizius de aintru”abi benint sbrigadas tottu is operazionis chi faint funzionai sa Biblioteca.

De custu logu si intrat in d’una genna imbidriàda, a s’apposentu mannu abi est collocada sa sienda de tottu is librus de sa Biblioteca chi est aberta a tottus, in modu de aggiudai in varias genias sa genti po is servizius de sa Biblioteca, e s’apposentu est prezìu a zonas e a scaffalis abertus:

• Sezioni operas generalis
• Sezioni operas de cunzuttu
• Sezioni Sardigna
• Sezioni po is piccioccheddus
• Lettura de is giornalis de sa dì, de varias simadas e trasinus pittius e mannus

S’apposentu est callentusu in s’ierru e e friscurosu in s’istadiabi e su commudu est in conforma a a is leis po is abbisongiosus e maganziosus.

In su pianu de susu o sobariu, a forma de elle, est presenti un’antru apposentu mannu aprariosu po is liggidoris, cuncodriaua de mesas e cadiras,e in prus est in cursu de preparamentu, su Centru “C.A.P.S.D.A.de 2° livellu (Centrus de Intràda Pubblica a i Servizius Digitalis Avanzaus), finaanziaus de sa RegioniAutonoma de sa Sardigna abi funt presentis dus postus multimedialis riservaus a sa genti. A s’apposentu s’inci podit ampuài a susu cun d’unu ascensori.