Comunu de Moguru

Comune di Mogoro - 50ma Fiera del Tappeto

Salta la barra di navigazione e vai ai contenuti

Iscolas

Iscri' calli si siat cosa po is pipius e piccioccheddus de Is iscolas, a medas podit parli traballu de pagu importu o cracullamentu poita si podit penzai ca is cosas po is pipius funt e depint essi cosas pitias. Ainci no est! Po is maistus de is iscolas e is famigliaris chi tenint sa responsabbilidadi de s'educazioni e s'imparu de is materias e disciplinas scolastica chi hat a serbi a sinnai sa fida de is pipius nostus, no est istàda, e mai hat essi cosa de pagu contu. Cumprendendi custas beridadis e sciendi ca no tottu is argomentus o chistionis si podint trattai si no in minima parti, si arriscaus a iscri' unu scantu contaus, poesias, fabulas e canzonis serias e brullanas.

Dd'eus a fai chistionendi in lingua Sarda Campidanesa, Marmiddesa aderezzada a sa fueddada comuna Mogoresa, pighendi mollus de is maistus linguistas nodius cumenti a su Cabonigu Bissenti Porru, Giovanni Casciu, Faustinu Onnis, e atrus e castiendi is oberas prinzipalis de litteradura chi hant sinnau su fueddai nostu cumenti a su scrittu antigu de sa Scomuniga de Praidi Antiogu de Masuddas, Sa coia de Pitanu de su Cabonigu Luisu Matta, is cummedias de Efisiu Melis e Antoi Garau, de callincunu scrittori e poeta Mogoresu de su passau e su presenti, ma pruscatottu donendi su giustu cracullamentu a sa sienda manna de is arregodus de su contai de is mannus nostus chi funt is prendas nodidas chi ognia digniu popolau depit aguantai, ammostai e spraxi a tottu is fillus noizzus de su benideru.

Scarriga is giogus e is poesias: